Hollvinir Hallargarðsins hittast við Fríkirkjuveginn

 

Hollvinir Hallargarðsins hittast við Fríkirkjuveginn mynd Fríkirkjuvegur 11. Á morgun sunnudaginn 20. apríl kl. 13 verða stofnuð Hollvinasamtök Hallargarðsins. Undirbúningshópurinn hafði auglýst opið hús að Fríkirkjuvegi 11 kl. 13-14 en síðdegis á föstudegi bárust boð um að búið væri að banna borgarminjaverði að sýna húsið. Þetta kemur fram í tilkynningu frá samtökunum. „Reynt verður að fá Ólaf F. Magnússon borgarstjóra til að breyta þessari ákvörðun. Í garðinum verður stutt dagskrá þar sem m.a. Nikulás Úlfar Másson, formaður Húsafriðunarnefndar flytur ávarp, íbúi við garðinn segir frá lífinu í Hallargarðinum og Jón H. Björnsson, sem hannaði garðinn sem almenningsgarð veitir leiðsögn um hann. Fundarstjóri verður Þorgrímur Gestsson blaðamaður og rithöfundur. Hollvinir Hallargarðsins eru hvattir til að fjölmenna kl. 13 á morgun við Fríkirkjuveg 11. Boltar og börn velkomin!"

Athugasemdir

[Helga Dóra, 19.4.2008 kl. 20:40]

Hæhæ gaman að sjá að þú kannt ennþá á lyklaborð    Fyrsta heimadeildin mín í leynifélaginu góða var í kjallaranum í þessu húsi.... Góða minningar þaðan....

[Jónína Dúadóttir, 19.4.2008 kl. 22:14]

Velkominn

[Ásdís Sigurðardóttir, 19.4.2008 kl. 22:35]

Blessaður og sæll. Vona að ykkur gangi vel í þessum samtökum og að skemmdir verði ekki unnar á húsi og garði.  Kveðja til þín

[Ásthildur Cesil Þórðardóttir, 20.4.2008 kl. 14:57]

Austurvöllur á Ísafirði er systurgarður Hallargarðsins.  'Eg hef í mörg ár barist fyrir því að hann verði ekki eyðilagður.  Það hafa reyndar fleiri lagst á Árarnar, nágrannar garðsins, svo og garðyrkjumeistarar til dæmis Samson, Einar Sæmundsson og Jón H. Björnsson sem teiknaði báða garðana.  Þetta eru einu garðarnir á Íslandi sem eru teiknaðir undir áhrifum frá Kanadískum arkitektúr, og þeir eru báðir mjög merkilegir.  Það á að friða þá báða, og það sem fyrst, í sögulegu samhengi.  Gangi ykkur vel þarna fyrir sunnan með Hallargarðinn ég einbeiti mér að Austurvellinum.  Reyndar viðurkenndi bæjarstjórinn í gær við Samson að ég hefði barist einna harðast fyrir friðun garðsins gegnum tíðina.