Hverrar trúar sem þú ert þá er þetta svo góð hugleiðing

Það er eitthvað við þetta bréf sem sagði mér að hægja aðeins á mér og skoða verðmætamat mitt

þess vegna set ég þetta hér inn ef einhver er í sömu stöðu og ég var þegar ég fann þetta bréf

Kæri vinur minn

Ég verð að setjast niður og skrifa til að minna þig á nokkuð sem er mjög mikilvægt fyrir mig.

Ég elska þig. Ég sá þig í gær á tali við vini þína og mig langaði til að tala við þig líka.

Ég beið allan daginn en þú hafðir aldrei samband. Ég vonaðist til að við gætum fundið tíma til að tala um kvöldið en ég veit að þú hafðir margt annað að hugsa um.

Þegar líða tók á daginn þinn sendi ég svalan andvara til að þú yrðir endurnærður eftir langan dag. Ég lét sérstakan ilm í loftið frá blómunum við heimreiðina en ég held að þú hafi ekki tekið eftir því þegar þú hraðaðir þér fram hjá. Mér þykir leitt að þú þurfir alltaf að flýta þér svona mikið.

Ég fylgdist með þér sofna í gærkvöldi og mig langaði til að snerta andlit þitt eða strjúka hárið svo ég sendi örlítið tunglsljós á andlit þitt og koddann.

Þegar þú vaknaðir í morgun vonaði ég að við gætum átt örlítinn tíma saman svo mig langaði til að flýta mér niður og tala við þig en ég hugsa að þú hafir verið of seinn í vinnuna.

Tár mín voru í regninu. Ég á svo margar gjafir handa þér,

svo mikið að segja þér, svo margt dásamlegt fyrir þig að upplifa því ég elska þig svo mikið.

Þannig er eðli mitt eins og þú veist. Gerðu það talaðu við mig, biddu mig um hjálp.

Ég þekki dýpstu þrár hjarta þíns og mig langar svo til að vera náinn þér.

Ást mín til þín er dýpri en úthöfin, stærri en þú gætir ýmindað þér.

Ég þrái að við eyðum tíma saman, aðeins við.

Það særir mig að sjá þig svo leiðan í dag.

Ég skil í raun hvernig það er þegar vinir bregðast.

Ég veit að hjarta þitt verkjar.

Ég ætla að hætta núna því ég veit að þú átt mjög annríkt og ég vil sannarlega ekki áreita þig .

Þér er frjálst að kjósa mig "á minn hátt" eða ekki ,

- það er þín ákvörðun.

Ég hef þegar valið þig.

Elsku vertu ekki of lengi að velja og mundu að Ég elska þig.

VINUR ÞINN GUÐ...

ef þetta getur fært einum einstaklingi bros þá er markmiðinu með birtingu þessa bréfs náð 

eigið góðan dag

kveðja siggi 

Athugasemdir

[Jónína Dúadóttir, 31.1.2008 kl. 12:17]

Mér finnst þetta svo fallegt

[Helga Dóra, 31.1.2008 kl. 12:41]

Ég brosti

[Sigurður Hólmar Karlsson, 31.1.2008 kl. 12:43]

Þá er tilganginum náð

[Ásthildur Cesil Þórðardóttir, 31.1.2008 kl. 14:07]

 Góð hugvekja Siggi minn.  Og þörf ábending um hvernig við viljum eyða tíma okkar.

[Ásdís Sigurðardóttir, 31.1.2008 kl. 21:10]

Ég brosi enn og hef brosað lengi, ég fann minn Guð þegar ég var ung og hann er alltaf til staðar.  Hann er samt ekki eins og Guð annarra.

[Júlíus Már Baldursson (IP-tala skráð) 2.2.2008 kl. 01:16]

Sigurður....þú lofaðir að birta ekki bréfið þegar ég sendi það

Þetta var fallegt og þarft að lesa,vekur mann til umhugsunar.........

að norðan